Dim ond yn fyr, Dirprwy Lywydd, i ddiolch i'r Cwnsler Cyffredinol am ei gefnogaeth i'r gwelliannau a fydd yn anghymwyso ar wyneb y Mesur Aelodau Seneddau'r Alban, Gogledd Iwerddon ac Ewrop rhag medru gwasanaethu fel Aelodau o'r Senedd hon yn ychwanegol at y swyddi hynny. 

A wedyn, wrth gwrs, mae'r gwelliannau a gyflwynwyd gan David Melding ar anghymwyso cynghorwyr wedi cael eu dadlau rhywfaint y prynhawn yma. Dim ond i ddweud eto na gyflwynais i na'r Comisiwn yr anghymwyso hwnnw yn y ddeddfwriaeth wreiddiol a gynigwyd oherwydd nad oedd mandad gennym ni i wneud hynny. Felly mater i'r Cynulliad y prynhawn yma fydd penderfynu a ydy'r anghymwyso hwnnw yn aros ar wyneb y Mesur neu beidio.