Diolch, Llywydd. Un o'r cwestiynau yr oeddwn i eisiau ei godi, nad wyf yn credu ei fod wedi'i godi hyd yma, oedd i gael yr wybodaeth ddiweddaraf am y cynllun paru swyddi y gwnaethoch chi ei lansio bron i fis yn ôl. Fe wnaethoch chi ddweud ar y pryd—ac roeddem ni i gyd yn cytuno ein bod yn bryderus iawn am yr effaith yr oedd COVID-19 yn ei chael ar sectorau amaethyddol a garddwriaethol Cymru—y gallai fod prinder llafur posibl o fewn y diwydiannau hynny a diwydiannau tir eraill, wrth gwrs. Felly, er fy mod yn eich canmol chi am gymryd y camau cyflym a wnaethoch chi i fynd i'r afael â'r broblem honno, a oes gennych chi ddiweddariad—naill ai'n awr neu i'w roi yn y dyfodol—ynghylch sut y mae hynny'n gweithio?