Ac fel sydd wedi ei nodi ar eich agenda chi, mae pleidleisiau heddiw yn cael eu cynnal yn unol â Rheol Sefydlog 34.11. Caiff pob grŵp gwleidyddol enwebu un aelod o'r grŵp i fod â'r un nifer o bleidleisiau ag sydd o aelodau'r grŵp. Yn achos grŵp gwleidyddol sydd â rôl Weithredol, bydd gan yr enwebai yr un nifer o bleidleisiau ag sydd o aelodau'r grŵp hwnnw, ynghyd ag unrhyw Aelodau eraill o'r Llywodraeth. Bydd Aelodau nad ydynt yn perthyn i grŵp neu grwpiad yn pleidleisio drostynt eu hunain. Byddaf yn cynnal y pleidleisio, felly, drwy alw cofrestr. 

Y bleidlais gyntaf ar y gyllideb atodol gyntaf, ac mae'r cynnig wedi'i gyflwyno yn enw Rebecca Evans. Felly, ar ran y grŵp Llafur a'r Llywodraeth, Huw Irranca-Davies, sut ydych chi'n bwrw'ch 30 pleidlais?