Diolch, Llywydd. Mae gwelliant 65 yn mewnosod adran newydd yn y Bil, gan roi, y tu hwnt i amheuaeth nad yw unrhyw ddyletswydd neu bŵer yn y Bil neu oddi tano sy'n ei gwneud yn ofynnol neu'n galluogi datgelu neu ddefnyddio gwybodaeth yn gweithredu'n groes i unrhyw ddeddfwriaeth diogelu data bresennol. Nid yw'r gwelliant yn newid effaith y ddeddfwriaeth. Fel y dywedais i o'r blaen, bydd yr holl ddata a ddefnyddir neu a ddatgelir o dan y Bil yn parhau i fod yn ddarostyngedig i'r holl ddeddfwriaeth diogelu data bresennol berthnasol. Mae'r gwelliant hwn yn rhoi hynny y tu hwnt i amheuaeth, ac mae hefyd yn sicrhau na ellid dehongli pwerau a dyletswyddau o'r fath fel rhai sy'n addasu deddfwriaeth diogelu data, a galwaf ar Aelodau i gefnogi'r gwelliant.