Sy'n dod â ni i'r cyfnod pleidleisio, ac oni bai bod tri Aelod yn gofyn i fi ganu'r gloch fe allaf i symud yn syth i'r cyfnod pleidleisio. Dwi ddim yn gweld bod angen canu'r gloch, felly fe wnawn ni gynnal y bleidlais gyntaf, ac mae'r bleidlais gyntaf ar Rheoliadau’r Fasnach mewn Anifeiliaid a Chynhyrchion Perthynol (Diwygio a Swyddogaethau Deddfwriaethol) ac Iechyd Anifeiliaid (Diwygiadau Amrywiol) (Cymru) (Ymadael â’r UE) 2022. Dwi'n galw am bleidlais ar y cynnig, a gyflwynwyd yn enw Lesley Griffiths. Agor y bleidlais. Cau'r bleidlais. O blaid 25, neb yn ymatal, 24 yn erbyn. Ac felly mae'r cynnig wedi cael ei gymeradwyo.