Pa drafodaethau y mae Ysgrifennydd y Cabinet wedi eu cynnal â phrifysgolion ynglŷn â chreu corff ymchwil ac arloesedd ar gyfer Cymru? Trosglwyddwyd i'w ateb yn ysgrifenedig gan Ysgrifennydd y Cabinet dros yr Economi a'r Seilwaith

Rydw i’n arwain ar faterion ymchwil ac arloesi. Nid wyf wedi cynnal trafodaethau â phrifysgolion ynglŷn â chreu corff cyfatebol i UK Research and Innovation. Fodd bynnag, roedd adroddiad Hazelkorn yn argymell y dylid adolygu strategaeth a pholisi ar gyfer ymchwil ac arloesi a ariennir gan y Llywodraeth. Gofynnwyd i’r Athro Graeme Reid ymgymryd ag adolygiad o fuddsoddiadau gan Lywodraeth Cymru ac asiantaethau cysylltiedig mewn gweithgarwch ymchwil ac arloesi yng Nghymru. Bwriad ei waith yw nodi cryfderau mewn ymchwil ac arloesi yng Nghymru ac amlinellu sut y gellir defnyddio’r asedau hyn yn fwy effeithiol gan fusnesau, cymunedau a’r llywodraeth.