Diolch, Lywydd. Mae gwelliannau 1 a 2 yn fân o ran natur, ond yn cael eu rhoi o flaen y Cynulliad er mwyn gwella eglurder y drafftio. Mae gwelliant 1 yn dileu paragraff (b) o adran 29, sy'n cynnwys cyfeiriad diangen at wahanol ostyngiadau a ddarperir gan Atodlen 14. Mae hyn yn sicrhau bod adran 29 yn rhoi rhestr gyson o'r darpariaethau rhyddhad sy'n addasu sut y mae'r dreth a godir yn cael ei chyfrifo. Mae gwelliant 2 yn ganlyniad i welliant 1. Gofynnaf i Aelodau gefnogi gwelliannau’r Llywodraeth sy'n gwella drafftio'r Bil.