Eitem 7 ar yr agenda yw'r cynnig i gytuno ar y penderfyniad ariannol ynghylch Bil Cyllido Gofal Plant (Cymru). Felly, galwaf ar y Gweinidog Gofal Cymdeithasol a Phlant i gynnig y cynnig.

Cynnig NDM6778 Julie James

Cynnig bod Cynulliad Cenedlaethol Cymru, at ddibenion unrhyw ddarpariaethau sy’n deillio o’r Bil Cyllido Gofal Plant (Cymru), yn cytuno i unrhyw gynnydd mewn gwariant o’r math y cyfeiriwyd ato yn Rheol Sefydlog 26.69, sy’n codi o ganlyniad i’r Bil.

Cynigiwyd y cynnig.

Diolch, Dirprwy Lywydd. Cynigiaf y cynnig, a hoffwn achub ar y cyfle hwn i ddiolch unwaith eto i'r pwyllgorau am eu gwaith craffu ar y Bil.

Diolch. Nid oes gennyf siaradwyr yn y ddadl, felly, gan fod y pleidleisio ar egwyddorion cyffredinol Bil Cyllido Gofal Plant (Cymru) wedi'i ohirio tan y cyfnod pleidleisio, rwy'n mynd i ohirio'r bleidlais ar y penderfyniad ariannol hefyd.

Gohiriwyd y pleidleisio tan y cyfnod pleidleisio.

Felly, symudwn yn awr at y cyfnod pleidleisio. Oni bai bod tri Aelod yn dymuno i'r gloch gael ei chanu, rwy'n mynd i fwrw ymlaen yn syth i'r cyfnod pleidleisio. Na. Iawn, da iawn.