Diolch yn fawr, Llywydd. Dwi’n cynnig gwelliant 1. Yn ystod trafodion Cyfnod 2, fe gytunwyd ar welliant i fewnosod adran 71 yn y Bil, sy’n rhoi’r awdurdod i gyflwyno hysbysiad cydymffurfio i'r ombwdsmon mewn perthynas â safonau’r Gymraeg. Mae’r gwelliant hwn—gwelliant rhif 1 dŷn ni'n ei drafod nawr yn y grŵp yma—yn diweddaru adran 1 er mwyn sicrhau bod adran drosolwg y Bil yn adlewyrchu cynnwys y Bil yn gywir. Mae e yn gynnig ddigon hawdd ac rwy'n hyderus y bydd Aelodau'n ei gefnogi.