Dim ond i ategu, os caf i, Llywydd, fy niolchiadau i bawb sydd wedi ymgysylltu â'r broses hyd yma. Diolch yn arbennig hefyd i glercod a thîm cyfreithiol y Pwyllgor Cyllid am eu cefnogaeth a'u holl gwaith wrth ddod â ni i'r pwynt hwn yn y broses. A gaf i hefyd ddiolch i Aelodau am eu cefnogaeth i'r gwelliannau dwi wedi'u cynnig heddiw, gan obeithio y gwelwch chi i gyd eich ffordd yn glir, wrth gwrs, i gefnogi'r un gwelliant bach sydd ar ôl? Diolch, Llywydd.