Yr eitem nesaf ar ein hagenda yw'r cynnig i atal y Rheolau Sefydlog er mwyn caniatáu i'r cynigion o dan eitemau 8 a 10 ar ein hagenda gael eu trafod, a galwaf ar y Gweinidog Addysg i gynnig y cynnig. Kirsty Williams.

Diolch yn fawr, Dirprwy Lywydd. Mae Cod Anghenion Dysgu Ychwanegol Cymru 2021—

Na. Mae'n ddrwg gen i, a wnewch chi gynnig y cynnig yn ffurfiol i atal y Rheolau Sefydlog? Yna, byddwn yn dod i'r ddadl, os cawn atal y Rheolau Sefydlog.

Cynnig NNDM7686 Rebecca Evans

Cynnig bod y Senedd, yn unol â Rheolau Sefydlog 33.6 a 33.8:

Yn atal Rheol Sefydlog 12.20(i) a Rheol Sefydlog 27.7 i ganiatáu i NNDM7684 a NNDM7685 gael eu hystyried yn y Cyfarfod Llawn ar 23 Mawrth 2021.

Cynigiwyd y cynnig.

Mae'n ddrwg gen i. Cynigiaf y cynnig.

Diolch. Y cynnig yw atal y Rheolau Sefydlog. A oes unrhyw Aelod yn gwrthwynebu? Na, nid wyf i'n gweld unrhyw wrthwynebiad. Felly, symudwn ymlaen.

Derbyniwyd y cynnig yn unol â Rheol Sefydlog 12.36.

Y cynnig, o dan Reol Sefydlog 12.24, oni bai bod Aelod yn gwrthwynebu, yw y bydd y pedwar cynnig o dan eitemau 8 i 11, y rheoliadau anghenion dysgu ychwanegol, yn cael eu grwpio i'w trafod, ond byddwn wedyn yn pleidleisio ar wahân. A oes unrhyw Aelod yn gwrthwynebu? Na, nid wyf i'n gweld gwrthwynebiadau.