Eitem 9 sydd nesaf, Rheoliadau Wyau (Cymru) 2022, a dwi'n galw ar y Gweinidog materion gwledig i wneud y cynnig yma'n ffurfiol.

Cynnig NDM7929 Lesley Griffiths

Cynnig bod y Senedd, yn unol â Rheol Sefydlog 27.5:

1. Yn cymeradwyo bod y fersiwn ddrafft o Reoliadau Wyau (Cymru) 2022 yn cael ei llunio yn unol â’r fersiwn ddrafft a osodwyd yn y Swyddfa Gyflwyno ar 1 Chwefror 2022.

Cynigiwyd y cynnig.

Yn ffurfiol.

Does yna ddim siaradwyr, felly y cwestiwn yw: a ddylid derbyn y cynnig? A oes unrhyw Aelod yn gwrthwynebu'r cynnig? Na, does yna ddim gwrthwynebiad, ac felly mae'r cynnig yna wedi ei dderbyn yn unol â Rheol Sefydlog 12.36.

Derbyniwyd y cynnig yn unol â Rheol Sefydlog 12.36.