Yr hyn nad wyf i eisiau ei wneud, Tom—. Dyna fyddai fy nyhead i, gan nad wyf i'n credu mai preifateiddio Channel 4 na diddymu ffi'r drwydded i'r BBC yw'r ffordd gywir i ni fwrw ymlaen. Ond gadewch i mi fod yn gwbl glir, nid wyf i am nodi yn y lle hwn yn awr beth fydd canfyddiadau'r panel arbenigol oherwydd ni fyddai hynny'n briodol. Dyna'r hyn y mae'r panel arbenigol yn cael ei sefydlu i'w wneud. Nawr, mae'n ddigon posibl y bydd gan Alun Davies ei farn ei hun a'i safbwynt ei hun am hynny. Mae ganddo hawl berffaith i'w cael. Nid yw erioed wedi malu ei eiriau wrth fynegi ei farn. [Chwerthin.]