Grŵp 10 sydd nesaf. Mae'r grŵp yma o welliannau'n ymwneud â chydsyniad i gyrff sy'n cydlafurio. Gwelliant 23 yw'r prif welliant, a dwi'n galw ar y Gweinidog i gyflwyno'r prif welliant hynny ac i siarad i'r grŵp. Jeremy Miles.

Cynigiwyd gwelliant 23 (Jeremy Miles).

Diolch Llywydd. Mae'r gwelliannau yn y grŵp hwn yn mynd i'r afael â phryderon rhanddeiliaid ac argymhelliad gan y Pwyllgor Plant, Pobl Ifanc ac Addysg ynghylch darpariaethau sy'n ymdrin â chydsyniad ar gyfer trosglwyddo arian i gyrff sy'n cydlafurio. Yng Nghyfnod 2 eglurais na fyddai dileu'r darpariaethau hyn yn eu cyfanrwydd yn briodol gan fod angen o hyd i sicrhau bod cyllid sy'n cael ei drosglwyddo o ddarparwyr a ariennir yn uniongyrchol i gyrff eraill yn ddarostyngedig i reolaethau priodol. Mae sicrhau bod gennym ddarpariaeth cydsyniad cyffredinol yn adlewyrchu'r arferion gorau posibl, gan ganiatáu'r amodau cywir ar gyfer arloesi a phartneriaethau, gan gadw'r amddiffyniadau trosfwaol angenrheidiol ar waith. Rwyf o'r farn bod y gwelliannau yr wyf wedi'u cyflwyno heddiw yn ymateb i bryderon rhanddeiliaid a'r pwyllgor, gan fynd i'r afael â'r potensial ar gyfer biwrocratiaeth anfwriadol gan gadw'r diogelwch angenrheidiol o ran arian cyhoeddus ac, o ganlyniad i hynny, diogelu dysgwyr a'r sector addysg drydyddol.

Mae gwelliannau 23 i 30, 35 a 36, 44 i 46, 52 i 54, a 56 a 57 yn egluro bod yn rhaid rhoi cydsyniad cyn trosglwyddo arian gan ddarparwr a ariennir o dan Ran 3 o'r Bil i gorff sy'n cydlafurio, ac y gellir rhoi cydsyniad o'r fath mewn cysylltiad â chorff y mae'r darparwr a ariennir yn uniongyrchol yn bwriadu cydweithio ag ef, yn ogystal â'r rhai y mae'r darparwr eisoes yn cydweithio â nhw neu wedi cydweithio â nhw.

Mae gwelliant 59 yn dileu'r pŵer o adran 107 o'r Bil i Weinidogion Cymru wneud rheoliadau, gan bennu'r materion y mae'n rhaid i'r comisiwn eu hystyried wrth benderfynu a ddylid cydsynio i drosglwyddo arian gan ddarparwr a ariennir yn uniongyrchol i gorff sy'n cydlafurio. Mae'r gwelliant hwn hefyd yn egluro y gall y comisiwn roi cydsyniad yn gyffredinol, neu mewn cysylltiad â thaliad penodol neu gorff cydlafurio penodol. Mae gwelliant 55 yn ganlyniadol i welliant 59.

Mae gwelliannau 60 i 62 yn mireinio adran 107 o'r Bil. Maen nhw'n diogelu'r defnydd o arian cyhoeddus ac yn rhoi hyblygrwydd o ran sut y gall y comisiwn roi ei gydsyniad i basio arian. Mae'r newidiadau yn ei gwneud yn ofynnol i'r comisiwn gymhwyso amod i'w gydsyniad sy'n ei gwneud yn ofynnol i ddarparwyr a ariennir yn uniongyrchol wneud trefniadau sy'n sicrhau bod adnoddau ariannol a delir i gorff sy'n cydlafurio yn cael eu rheoli'n effeithlon ac mewn ffordd sy'n rhoi gwerth am arian.

Mae'r newidiadau hyn hefyd yn egluro, pan fo caniatâd wedi'i roi'n gyffredinol, y gall y comisiwn dynnu'n ôl, atal neu amrywio ei gydsyniad yn gyffredinol, neu mewn cysylltiad â thaliad penodol i gorff penodol sy'n cydlafurio. Mae'r amddiffyniadau presennol mewn cysylltiad â thynnu'n ôl, atal dros dro neu amrywio caniatâd yn parhau, gan ei gwneud yn ofynnol i'r comisiwn roi hysbysiad i ddarparwyr a rhoi sylw i unrhyw sylwadau a wneir yn unol â'r hysbysiad.

Yn gyffredinol, mae'r diwygiadau yn y grŵp hwn yn cynyddu ymreolaeth y comisiwn i benderfynu ar drefniadau cydsynio priodol drwy ganiatáu i gydsyniad gael ei roi yn gyffredinol neu mewn cysylltiad â thaliad penodol neu gydlafurio penodol; egluro y gall darparwyr ofyn am gydsyniad y comisiwn i drosglwyddo arian i gyrff sy'n cydlafurio y maen nhw'n cydweithio â nhw eisoes, neu wedi cydweithio â nhw yn y gorffennol, neu'n bwriadu cydweithio â nhw yn y dyfodol; a sicrhau diogelwch ar gyfer defnyddio arian cyhoeddus. Felly, Llywydd, galwaf ar Aelodau i gefnogi'r holl welliannau yn y grŵp hwn.

Y cwestiwn yw: a ddylid derbyn gwelliant 23? Oes unrhyw wrthwynebiad? Nac oes. Felly, mae gwelliant 23 wedi'i dderbyn. 

Derbyniwyd y gwelliant yn unol â Rheol Sefydlog 12.36.

Ydy gwelliant 24 yn cael ei gynnig?

Cynigiwyd gwelliant 24 (Jeremy Miles).

Ydy.

Oes gwrthwynebiad i welliant 24? Nac oes, felly mae gwelliant 24 yn cael ei dderbyn.

Derbyniwyd y gwelliant yn unol â Rheol Sefydlog 12.36.

Ydy gwelliant 25 yn cael ei gynnig gan y Gweinidog?

Cynigiwyd gwelliant 25 (Jeremy Miles).

Ydy.

Ydy. Felly, oes gwrthwynebiad i welliant 25? Nac oes, felly derbynnir y gwelliant hwnnw.

Derbyniwyd y gwelliant yn unol â Rheol Sefydlog 12.36.

Gwelliant 26 sydd nesaf. Ydy e'n cael ei symud?

Cynigiwyd gwelliant 26 (Jeremy Miles).

Ydy.

Ydy. Felly, gwelliant 26—oes gwrthwynebiad? Nac oes. Felly, derbynnir gwelliant 26.

Derbyniwyd y gwelliant yn unol â Rheol Sefydlog 12.36.

Gwelliant 27—ydy e'n cael ei symud?

Cynigiwyd gwelliant 27 (Jeremy Miles).

Ydy.

Ydy. Oes gwrthwynebiad? Nac oes, dim gwrthwynebiad. Felly, derbynnir gwelliant 27.

Derbyniwyd y gwelliant yn unol â Rheol Sefydlog 12.36.

Ydy gwelliant 28 yn cael ei symud?

Cynigiwyd gwelliant 28 (Jeremy Miles).

Ydy.

Ydy. Oes gwrthwynebiad i welliant 28? Nac oes, felly derbynnir gwelliant 28.

Derbyniwyd y gwelliant yn unol â Rheol Sefydlog 12.36.

Gwelliant 29—ydy e'n cael ei symud?

Cynigiwyd gwelliant 29 (Jeremy Miles).

Ydy.

Ydy. Felly, a oes gwrthwynebiad i welliant 29? Nac oes. Felly, derbynnir gwelliant 29.

Derbyniwyd y gwelliant yn unol â Rheol Sefydlog 12.36.

Ydy gwelliant 30 yn cael ei symud?

Cynigiwyd gwelliant 30 (Jeremy Miles).

Ydy.

Ydy, felly a oes gwrthwynebiad i 30? Nac oes, felly derbynnir gwelliant 30.

Derbyniwyd y gwelliant yn unol â Rheol Sefydlog 12.36.

Ydy gwelliant 31 yn cael ei symud, Gweinidog?

Cynigiwyd gwelliant 31 (Jeremy Miles).

Ydy.

Ydy. Oes gwrthwynebiad i 31? Nac oes, felly derbynnir gwelliant 31 yn y grŵp yna hefyd.

Derbyniwyd y gwelliant yn unol â Rheol Sefydlog 12.36.