Diolch, Llywydd. Mae gwelliant 43 wedi'i gyflwyno i fynd i'r afael â phryderon a nodwyd gan undebau llafur ynghylch sut y bydd y comisiwn yn mynd i'r afael ag anghenion cyflogeion wrth gyflawni ei ddyletswyddau i sicrhau cyfleusterau ar gyfer addysg bellach a hyfforddiant. Ar hyn o bryd, mae adran 95 o'r Bil yn ei gwneud yn ofynnol i'r comisiwn roi sylw, ymhlith pethau eraill, i ofynion cyflogwyr mewn cysylltiad â'r addysg a'r hyfforddiant sy'n ofynnol mewn gwahanol sectorau cyflogaeth. Mae'r gwelliant hwn yn ei gwneud yn ofynnol i'r comisiwn roi sylw i ofynion cyflogeion a darpar gyflogeion, yn ogystal â gofynion cyflogwyr. Bydd y gwelliant yn sicrhau bod y comisiwn yn ystyried anghenion a buddiannau cyflogeion i wrthbwyso buddiannau cyflogwyr wrth gyflawni ei ddyletswyddau i sicrhau cyfleusterau priodol a rhesymol ar gyfer addysg bellach a hyfforddiant. Galwaf felly ar Aelodau i gefnogi'r gwelliannau a gyflwynwyd yn fy enw i.