Mae’r bleidlais gyntaf ar ddadl Plaid Cymru, ac rydw i’n galw am bleidlais ar y cynnig yn enw Rhun ap Iorwerth. Agor y bleidlais. Cau’r bleidlais. O blaid 10, neb yn ymatal, 43 yn erbyn. Felly, mae’r cynnig wedi’i wrthod.

Gwrthodwyd y cynnig: O blaid 10, Yn erbyn 43, Ymatal 0.

Canlyniad y bleidlais ar gynnig NDM6111.

Galwaf am bleidlais, felly, ar welliant 1 a gyflwynwyd yn enw Jane Hutt. Agor y bleidlais. Cau’r bleidlais. O blaid 43, neb yn ymatal, 10 yn erbyn. Felly, mae’r gwelliant wedi’i dderbyn.

Derbyniwyd y gwelliant: O blaid 43, Yn erbyn 10, Ymatal 0.

Canlyniad y bleidlais ar welliant 1 i gynnig NDM6111.

Galwaf nawr am bleidlais ar welliant 2 a gyflwynwyd yn enw Paul Davies. Agor y bleidlais. Cau’r bleidlais. O blaid 16, neb yn ymatal, 37 yn erbyn. Felly, mae’r gwelliant wedi’i wrthod.

Gwrthodwyd y gwelliant: O blaid 16, Yn erbyn 37, Ymatal 0.

Canlyniad y bleidlais ar welliant 2 i gynnig NDM6111.

Galwaf nawr am bleidlais ar y cynnig fel y’i diwygiwyd.

Cynnig NDM6111 fel y’i diwygiwyd:

Cynnig bod Cynulliad Cenedlaethol Cymru:

1. Yn galw ar Lywodraeth y DU i roi gwarant diamod i ariannu pob prosiect a gontractiwyd o dan Raglen Datblygu Gwledig 2014-2020 ar ôl Datganiad yr Hydref tan 2023.

2. Yn cadarnhau mai parhau’n rhan o’r farchnad sengl yw’r dewis gorau ar hyn o bryd i sicrhau mynediad heb dariff a chwota i’r farchnad honno.

3. Yn cydnabod pa mor bwysig yw gweithwyr mudol i’r economi wledig.

Agor y bleidlais. Cau’r bleidlais. Pedwar deg pedwar o blaid, 10 yn ymatal, a neb yn erbyn. Felly, mae’r cynnig fel y’i diwygiwyd wedi’i dderbyn.

Derbyniwyd cynnig NDM6111 fel y’i diwygiwyd: O blaid 44, Yn erbyn 0, Ymatal 10.

Canlyniad y bleidlais ar gynnig NDM6111 fel y’i diwygiwyd.

Y bleidlais nesaf ar ddadl Plaid Cymru, ac rydw i’n galw am bleidlais ar y cynnig a gyflwynwyd yn enw Rhun ap Iorwerth. Agor y bleidlais. Cau’r bleidlais. O blaid 16, neb yn ymatal, 38 yn erbyn. Felly, mae’r cynnig wedi’i wrthod.

Gwrthodwyd y cynnig: O blaid 16, Yn erbyn 38, Ymatal 0.

Canlyniad y bleidlais ar gynnig NDM6112.

Gwelliant 1: os derbynnir gwelliant 1, caiff gwelliant 2 ei ddad-dethol. Rydw i’n galw am bleidlais ar welliant 1 a gyflwynwyd yn enw Paul Davies. Agor y bleidlais. Cau’r bleidlais. O blaid 15, neb yn ymatal, 39 yn erbyn. Felly, mae’r gwelliant wedi’i wrthod.

Gwrthodwyd y gwelliant: O blaid 15, Yn erbyn 39, Ymatal 0.

Canlyniad y bleidlais ar welliant 1 i gynnig NDM6112.

Gwelliant 2: rydw i’n galw am bleidlais ar welliant 2 a gyflwynwyd yn enw Jane Hutt. Agor y bleidlais. Cau’r bleidlais. O blaid 38, neb yn ymatal, 16 yn erbyn. Felly, mae’r gwelliant wedi’i dderbyn.

Derbyniwyd y gwelliant: O blaid 38, Yn erbyn 16, Ymatal 0.

Canlyniad y bleidlais ar welliant 2 i gynnig NDM6112.

Galwaf am bleidlais ar welliant 3 a gyflwynwyd yn enw Paul Davies. Agor y bleidlais. Cau’r bleidlais. O blaid 54, neb yn ymatal, a neb yn erbyn. Felly, mae’r gwelliant wedi’i dderbyn.

Derbyniwyd y gwelliant: O blaid 54, Yn erbyn 0, Ymatal 0.

Canlyniad y bleidlais ar welliant 3 i gynnig NDM6112.

Rydw i’n galw nawr am bleidlais ar y cynnig fel y’i diwygiwyd.

Cynnig NDM6112 fel y’i diwygiwyd:

Cynnig bod Cynulliad Cenedlaethol Cymru:

1. Yn cydnabod pa mor bwysig yw stryd fawr fywiog ac amrywiol er mwyn cefnogi mentrau lleol.

2. Yn gresynu bod nifer y siopau gwag ar ein stryd fawr yn gyson uwch na’r cyfartaledd ar gyfer y DU.

3. Yn gresynu at golli asedion cymunedol neu wasanaethau lleol o ganlyniad i’r defnydd ysgafn o’r stryd fawr yng Nghymru.

4. Yn cytuno i edrych ymhellach ar briodoldeb sefydlu cronfa newydd a fydd yn galluogi awdurdodau lleol a grwpiau cymunedol i gynnig cyfleusterau parcio am ddim mewn trefi ledled Cymru, a rhoi hwb hanfodol i adfywio canol trefi.

5. Yn cydnabod pwysigrwydd busnesau sy’n cynnig gwasanaethau ar y stryd fawr.

Agor y bleidlais. Cau’r bleidlais. O blaid 54, neb yn ymatal, neb yn erbyn. Felly, mae’r cynnig fel y’i diwygiwyd wedi’i dderbyn.

Derbyniwyd cynnig NDM6112 fel y’i diwygiwyd: O blaid 54, Yn erbyn 0, Ymatal 0.

Canlyniad y bleidlais ar gynnig NDM6112 fel y’i diwygiwyd.

Pleidlais nawr ar ddadl y Ceidwadwyr Cymreig. Rydw i’n galw am bleidlais ar y cynnig a gyflwynwyd yn enw Paul Davies. Agor y bleidlais. Cau’r bleidlais. O blaid 16, neb yn ymatal, 38 yn erbyn. Felly, mae’r cynnig wedi’i wrthod.

Gwrthodwyd y cynnig: O blaid 16, Yn erbyn 38, Ymatal 0.

Canlyniad y bleidlais ar gynnig NDM6109.

Rydw i’n galw nawr am bleidlais ar welliant 1 a gyflwynwyd yn enw Rhun ap Iorwerth. Agor y bleidlais. Cau’r bleidlais. O blaid 38, neb yn ymatal, 16 yn erbyn. Mae gwelliant 1 wedi ei dderbyn.

Derbyniwyd y gwelliant: O blaid 38, Yn erbyn 16, Ymatal 0.

Canlyniad y bleidlais ar welliant 1 i gynnig NDM6109.

Galwaf nawr am bleidlais ar welliant 2 a gyflwynwyd yn enw Rhun ap Iorwerth. Agor y bleidlais. Cau’r bleidlais. O blaid 53, un yn ymatal, neb yn erbyn. Felly, mae’r gwelliant wedi ei dderbyn.

Derbyniwyd y gwelliant: O blaid 53, Yn erbyn 0, Ymatal 1.

Canlyniad y bleidlais ar welliant 2 i gynnig NDM6109.

Galwaf nawr am bleidlais ar welliant 3 a gyflwynwyd yn enw Rhun ap Iorwerth. Agor y bleidlais. Cau’r bleidlais. O blaid 48, chwech yn ymatal, neb yn erbyn. Felly, mae gwelliant 3 wedi ei dderbyn.

Derbyniwyd y gwelliant: O blaid 48, Yn erbyn 0, Ymatal 6.

Canlyniad y bleidlais ar welliant 3 i gynnig NDM6109.

Galwaf nawr am bleidlais ar welliant 4 a gyflwynwyd yn enw Rhun ap Iorwerth. Agor y bleidlais. Cau’r bleidlais. O blaid 48, chwech yn ymatal, neb yn erbyn. Felly, mae gwelliant 4 wedi ei dderbyn.

Derbyniwyd y gwelliant: O blaid 48, Yn erbyn 0, Ymatal 6.

Canlyniad y bleidlais ar welliant 4 i gynnig NDM6109.

Rydw i’n galw nawr am bleidlais ar y cynnig fel y’i diwygiwyd.

Cynnig NDM6109 fel y’i diwygiwyd:

Cynnig bod Cynulliad Cenedlaethol Cymru:

1. Yn nodi penderfyniad Llywodraeth Cymru i ddirymu’r fenter ‘hawl i brynu’.

2. Yn credu bod pobl yn fwy tebygol o allu bod yn berchen ar eu cartrefi eu hunain os yw’r economi yn gryfach, os yw cyflogaeth yn fwy sicr a bod gwasanaethau cyhoeddus yn gwneud mwy i helpu pobl i aros yn eu cartrefi.

3. Yn cydnabod nad perchnogaeth cartref yw’r unig opsiwn, ac y dylai cartrefi cymdeithasol gael yr un statws â pherchnogaeth cartref.

4. Yn credu y gallai ailddosbarthu benthyciadau cymdeithasau tai fel dyled sector cyhoeddus gael effaith andwyol ar dargedau adeiladu tai, ac yn galw ar Lywodraeth Cymru i weithredu, gan gynnwys deddfu os oes angen, i sicrhau nad yw hyn yn cyfyngu ar allu cymdeithasau tai i gyllido adeiladu cartrefi newydd neu welliannau i gartrefi yng Nghymru.

Agor y bleidlais. Cau’r bleidlais. O blaid 48, chwech yn ymatal, neb yn erbyn. Felly, mae’r cynnig fel y’i diwygiwyd wedi ei dderbyn.

Derbyniwyd cynnig NDM6109 fel y’i diwygiwyd: O blaid 48, Yn erbyn 0, Ymatal 6.

Canlyniad y bleidlais ar gynnig NDM6109 fel y’i diwygiwyd.

Y bleidlais olaf ar ddadl UKIP, ac rydw i’n galw am bleidlais ar y cynnig a gyflwynwyd yn enw Neil Hamilton. Agor y bleidlais. Cau’r bleidlais. O blaid chwech, neb yn ymatal, 48 yn erbyn. Felly, mae’r cynnig wedi ei wrthod.

Gwrthodwyd y cynnig: O blaid 6, Yn erbyn 48, Ymatal 0.

Canlyniad y bleidlais ar gynnig NDM6110.

Symud yn awr i welliant 1. Os derbynnir gwelliant 1, caiff gwelliannau 2 a 3 eu dad-ddethol. Galw am bleidlais ar welliant 1 a gyflwynwyd yn enw Paul Davies. Agor y bleidlais. Cau’r bleidlais. O blaid 10, neb yn ymatal, yn erbyn 44. Felly, mae’r gwelliant wedi ei wrthod.

Gwrthodwyd y gwelliant: O blaid 10, Yn erbyn 44, Ymatal 0.

Canlyniad y bleidlais ar welliant 1 i gynnig NDM6110.

Gwelliant 2. Os derbynnir gwelliant 2, caiff gwelliant 3 ei ddad-ddethol. Galwaf am bleidlais ar welliant 2 a gyflwynwyd yn enw Jane Hutt. Agor y bleidlais. Cau’r bleidlais. O blaid 38, neb yn ymatal, 16 yn erbyn. Felly, mae’r gwelliant wedi ei gymeradwyo.

Derbyniwyd y gwelliant: O blaid 38, Yn erbyn 16, Ymatal 0.

Canlyniad y bleidlais ar welliant 2 i gynnig NDM6110.

Cafodd gwelliant 3 ei ddad-dethol.

Galwaf nawr am bleidlais ar y cynnig fel y’i diwygiwyd.

Cynnig NDM6110 fel y’i diwygiwyd:

Mae Cynulliad Cenedlaethol Cymru:

1. Yn cydnabod y manteision cymdeithasol ac economaidd a gaiff HS2 ar bobl canolbarth a gogledd Cymru.

2. Yn galw ar Lywodraeth Cymru i gydweithio’n adeiladol â Llywodraeth y DU a chyrff trafnidiaeth rhanbarthol i sicrhau y caiff gwasanaethau ac amserlenni eu trefnu i sicrhau manteision gorau HS2 i bobl canolbarth a gogledd Cymru.

3. Yn galw ar Lywodraeth y DU:

(a) i gyhoeddi amserlen ar gyfer trydaneiddio prif linell de Cymru hyd at Abertawe;

(b) i ariannu’n llawn y gwaith o drydaneiddio prif linell gogledd Cymru a llinellau cymoedd y de;

(c) i warantu holl arian yr Undeb Ewropeaidd sydd wedi’i gynllunio ar gyfer Metro De Cymru; a

(d) i gychwyn trafodaethau ar drosglwyddo’r cyllid a’r cyfrifoldeb am y seilwaith rheilffyrdd i Weinidogion Cymru.

Agor y bleidlais. Cau’r bleidlais. O blaid 46, neb yn ymatal, wyth yn erbyn. Felly, mae’r cynnig fel y’i diwygiwyd wedi ei dderbyn.

Derbyniwyd cynnig NDM6110 fel y’i diwygiwyd: O blaid 46, Yn erbyn 8, Ymatal 0.

Canlyniad y bleidlais ar gynnig NDM6110 fel y’i diwygiwyd.

Yr ydym ni’n symud i’r eitem nesaf ar yr agenda. I’r rhai ohonoch chi sy’n gadael— do so quietly, swiftly.