Os felly, fe wnawn ni bleidleisio ar y ddadl ar adroddiad blynyddol y comisiynydd pobl hŷn. Rwy’n galw am bleidlais ar welliant 3 a gyflwynwyd yn enw Rhun ap Iorwerth. Agorwch y bleidlais. Cau’r bleidlais. O blaid 36, pedwar yn ymatal, 11 yn erbyn. Felly mae’r gwelliant yn cael ei dderbyn.

Derbyniwyd y gwelliant: O blaid 36, Yn erbyn 4, Ymatal 11.

Canlyniad y bleidlais ar welliant 3 i gynnig NDM6174.

Rwy’n galw nawr am bleidlais ar y cynnig fel y’i diwygiwyd.

Cynnig NDM6174 fel y’i diwygiwyd:

Cynnig bod Cynulliad Cenedlaethol Cymru:

Yn nodi'r Adroddiad Blynyddol ar gyfer 2015-16 gan Gomisiynydd Pobl Hŷn Cymru.

Yn nodi gwaith y Comisiynydd Pobl Hŷn i fynd i'r afael ag effaith unigrwydd ac unigedd ar bobl hŷn sy'n byw yng Nghymru ac yn galw ar Lywodraeth Cymru i wneud mwy i fynd i'r afael â'r mater hwn.

Yn nodi y dylai Llywodraeth Cymru ystyried cyflwyno Bil Hawliau Pobl Hŷn i ymestyn a hyrwyddo hawliau pobl hŷn Cymru er mwyn sicrhau bod gan bobl hŷn lais cryf yn unol ag argymhellion y Comisiynydd Pobl Hŷn.

Yn nodi pwysigrwydd gwasanaethau cyhoeddus a gaiff eu darparu gan lywodraeth leol i iechyd a llesiant pobl hŷn, ac yn gresynu fod heriau ariannol parhaus, o ganlyniad i galedi ariannol, yn rhwystro'r gwasanaethau hyn rhag cael eu darparu.

Agorwch y bleidlais. Cau’r bleidlais. O blaid 41, 11 yn ymatal, neb yn erbyn. Felly mae’r cynnig wedi’i gymeradwyo.

Derbyniwyd cynnig NDM6174 fel y’i diwygiwyd: O blaid 41, Yn erbyn 0, Ymatal 11.

Canlyniad y bleidlais ar gynnig NDM6174 fel y’i diwygiwyd.

Fe ddaw hynny â’n busnes ni i ben am heddiw.

Daeth y cyfarfod i ben am 17:50.