Diolch, Dirprwy Lywydd. Rwy'n falch i gynnig prif welliant y grŵp terfynol.

Mae Llywodraeth yr Alban wedi darparu gwybodaeth am Awdurdod Cyllid yr Alban yn rhannu swyddogaethau swyddfa gefn yng ngoleuni Deddf Treth Trafodiadau Tir ac Adeiladau (Yr Alban) 2013. Oherwydd cyllid cyhoeddus cyfyngedig a'r angen i ddarparu gwerth am arian, dylai Awdurdod Cyllid Cymru ddechrau, rydym yn teimlo, fel y mae'n bwriadu parhau, drwy rannu swyddogaethau swyddfa gefn. Mae hyn, yn ein barn ni, yn hanfodol i’w sefydlu ar hyn o bryd. Fel rhan o'r gwaith craffu ariannol ar y Bil LBTT, amlinellwyd nifer o arbedion cost, a all fod o gymorth ar gyfer y Bil Treth Trafodiadau Tir o ran arbedion swyddfa gefn drwy rannu swyddogaethau, ac yn wir y Bil Treth Gwarediadau Tirlenwi. Roedd y Swyddfa Cyfrifoldeb Cyllidebol yn rhagweld y refeniw canlynol ar gyfer treth dirlenwi ym mis Tachwedd 2016: o 2018 ymlaen bydd Llywodraeth Cymru yn casglu tua £27 miliwn y flwyddyn, cyn ystyried polisi 'Tuag at Ddyfodol Diwastraff'. Disgwylir i hyn ddisgyn i £24 miliwn erbyn 2020-21.