Felly, symudwn ymlaen at y cyfnod pleidleisio a'r bleidlais gyntaf y prynhawn yma yw cynnig i ethol aelod i bwyllgor. A gaf fi atgoffa'r Aelodau—? Rydych i gyd yn mynd i wneud camgymeriadau, oherwydd does neb yn gwrando. A gaf fi atgoffa'r Aelodau, pan gynhaliwn y bleidlais hon, fod angen mwyafrif o ddwy ran o dair o'r Aelodau sy'n pleidleisio cyn y gellir derbyn y bleidlais? Felly, rwy'n bwriadu galw yn awr am bleidlais ar y cynnig a gyflwynwyd yn enw Elin Jones. Agor y bleidlais. Cau'r bleidlais. O blaid y cynnig 14, neb yn ymatal, a dau yn erbyn. Felly, derbyniwyd y cynnig.

NDM7063 - Cynnig i Ethol Aelod i Bwyllgor: O blaid: 14, Yn erbyn: 2, Ymatal: 0

Derbyniwyd y cynnig

Symudwn ymlaen yn awr at ddadl y Ceidwadwyr Cymreig ar Fwrdd Iechyd Lleol Prifysgol Betsi Cadwaladr, a galwaf am bleidlais ar y cynnig a gyflwynwyd yn enw Darren Millar. Os na dderbynnir y cynnig, byddwn yn pleidleisio ar y gwelliannau a gyflwynwyd i'r cynnig. Agor y bleidlais. Cau'r bleidlais. O blaid y cynnig 20, roedd pedwar yn ymatal, 28 yn erbyn. Felly, gwrthodwyd y cynnig.

NDM7058 - Dadl y Ceidwadwyr Cymreig - Cynnig heb ei ddiwygio: O blaid: 20, Yn erbyn: 28, Ymatal: 4

Gwrthodwyd y cynnig

Pleidleisiwn yn awr ar welliant 1, a galwaf am bleidlais ar welliant 1 a gyflwynwyd yn enw Rebecca Evans. Agor y bleidlais. Cau'r bleidlais. O blaid y gwelliant 32, neb yn ymatal, 20 yn erbyn. Felly, derbyniwyd gwelliant 1.

NDM7058 - Gwelliant 1: O blaid: 32, Yn erbyn: 20, Ymatal: 0

Derbyniwyd y gwelliant

Galwaf yn awr am bleidlais ar y cynnig fel y'i diwygiwyd.

Cynnig NDM7058 fel y'i diwygiwyd:

Cynnig bod Cynulliad Cenedlaethol Cymru:

1. Yn nodi bod pedair blynedd ar 8 Mehefin 2019 ers i Fwrdd Iechyd Prifysgol Betsi Cadwaladr gael ei roi mewn mesurau arbennig.

2. Yn cydnabod y cynnydd sydd wedi’i wneud yn y meysydd cychwynnol y nodwyd eu bod yn peri pryder yn 2015, a’r ffocws a’r gwelliant sy’n ofynnol o hyd er mwyn i’r statws uwchgyfeirio gael ei ostwng.

3. Yn nodi y bydd unrhyw benderfyniadau ynghylch newid statws uwchgyfeirio Bwrdd Iechyd Prifysgol Betsi Cadwaladr yn cael eu gwneud ar ôl cael cyngor gan Swyddfa Archwilio Cymru, Arolygiaeth Gofal Iechyd Cymru a Phrif Weithredwr GIG Cymru.

Agor y bleidlais. Cau'r bleidlais. O blaid y cynnig fel y'i diwygiwyd 32, neb yn ymatal, 20 yn erbyn. Felly, derbyniwyd y cynnig fel y'i diwygiwyd.

NDM7058 - Cynnig wedi'i ddiwygio: O blaid: 32, Yn erbyn: 20, Ymatal: 0

Derbyniwyd y cynnig fel y'i diwygiwyd

Symudwn ymlaen yn awr i bleidleisio ar ddadl Plaid Cymru ar refferendwm cadarnhau'r Undeb Ewropeaidd. A galwaf am bleidlais ar y cynnig a gyflwynwyd yn enw Rhun ap Iorwerth. Os gwrthodir y cynnig, byddwn yn pleidleisio ar y gwelliannau a gyflwynwyd i'r cynnig. Agor y bleidlais. Cau'r bleidlais. O blaid y cynnig 36, neb yn ymatal, 16 yn erbyn. Felly, derbyniwyd y cynnig.

NDM7059 - Dadl Plaid Cymru - Cynnig heb ei ddiwygio: O blaid: 36, Yn erbyn: 16, Ymatal: 0

Derbyniwyd y cynnig

Dyna'r pleidleisio ar ben— [Torri ar draws.] Iawn. Felly, symudwn ymlaen yn awr i bleidleisio ar y ddadl Aelodau o dan Reol Sefydlog 11.21 ar drechu tlodi. A galwaf am bleidlais ar y cynnig a gyflwynwyd yn enw John Griffiths. Agor y bleidlais. Cau'r bleidlais. O blaid y cynnig 39, roedd 12 yn ymatal. Felly, derbyniwyd y cynnig.

NDM7029 - Dadl Aelodau o dan Reol Sefydlog 11.21(iv): O blaid: 39, Yn erbyn: 0, Ymatal: 12

Derbyniwyd y cynnig

Dychwelwn yn awr at yr agenda a'r ddadl fer. Os oes Aelodau'n gadael y Siambr, a allwch wneud hynny'n gyflym ac yn dawel, os gwelwch yn dda?