Rwy'n ddiolchgar iawn i'r Llywydd am ei hateb, ac rwy'n siŵr y bydd yn cytuno â mi, pan fyddwn yn edrych yn ôl ar hanes cynnar ein Senedd, y bydd sefydlu'r Senedd Ieuenctid yn un o gyflawniadau tymor y Senedd hon.

A all gadarnhau bod y staff yn trafod gyda'r sefydliadau partner sydd wedi bod yn cefnogi'r Senedd Ieuenctid a rhai o Aelodau unigol y Senedd Ieuenctid yn ystod y tymor hwn? Ac a yw'n rhagweld y bydd y berthynas honno neu berthynas debyg yn gallu parhau i'r tymor newydd?