Group 7 is death, incapacity and insolvency and the lead amendment in this group is amendment 30. I call on the Cabinet Secretary to move and speak to the lead amendment and the other amendment in the group. Cabinet Secretary.

Cynigiwyd gwelliant 30 (Mark Drakeford).

Diolch i chi, Dirprwy Lywydd. Hoffwn gynnig y ddau welliant yn y grŵp hwn, sy'n codi o fater a nodwyd gydag adran 84 o'r Bil fel y'i drafftiwyd ar hyn o bryd.

Mewn achosion lle mae newid yn y person sy'n rhedeg busnes tirlenwi oherwydd marwolaeth, analluogrwydd neu ansolfedd gweithredydd safle tirlenwi, mae adran 84 yn caniatáu i Awdurdod Refeniw Cymru allu trin person arall sy'n cynnal y busnes fel pe bae’n drethdalwr mewn rhai amgylchiadau. Mae adran 84 (5) yn ei gwneud yn ofynnol i Awdurdod Refeniw Cymru roi rhybudd i'r person sydd yn mynd i gael ei drin fel trethdalwr. Ond nid oes angen rhybudd tebyg yn benodol i gael ei ddarparu i'r person nad yw bellach yn gyfrifol am dalu'r dreth. Ar ben hynny, pe digwydd i’r sefyllfa gael ei gwrthdroi, fel bod Awdurdod Cyllid Cymru yn rhoi’r gorau i drin person fel pe bae’n drethdalwr, gan olygu bod y trethdalwr gwreiddiol yn ailafael yn y statws, nid yw’r Bil fel y mae ar hyn o bryd yn ei gwneud yn ofynnol i’r ddau barti gael gwybod am y newid hwnnw. Nid yw ond yn ofynnol i'r person sydd bellach yn cael ei drin fel y trethdalwr i gael ei hysbysu.

Mae gwelliannau 30 a 31 yn rhoi sylw i’r sefyllfa honno, maent yn ei gwneud yn ofynnol i Awdurdod Cyllid Cymru gyhoeddi rhybuddion i'r ddau barti lle byddai hynny'n briodol. Credaf fod y gwelliannau hyn yn sicrhau tegwch a thryloywder i'r trethdalwr, a gofynnaf i'r Aelodau gefnogi gwelliannau’r Llywodraeth yn y grŵp hwn.

Diolch. Nick Ramsay. Na? Diolch. Y cwestiwn yw bod gwelliant 30 yn cael ei dderbyn. A oes unrhyw Aelod yn gwrthwynebu? Caiff gwelliant 30 ei dderbyn.

Derbyniwyd gwelliant 30 yn unol â Rheol Sefydlog 12.36.

Ysgrifennydd y Cabinet, gwelliant 31.

Cynigiwyd gwelliant 31 (Mark Drakeford).

Cynnig.

Y cwestiwn yw bod gwelliant 31 yn cael ei dderbyn. A oes unrhyw Aelod yn gwrthwynebu? Na. Felly caiff gwelliant 31 ei dderbyn.

Derbyniwyd gwelliant 31 yn unol â Rheol Sefydlog 12.36.