Dyma ni nawr yn cyrraedd y cyfnod pleidleisio. Mae pleidlais gyntaf ar ddadl Plaid Cymru ar garchardai a chyfiawnder troseddol. Galw am bleidlais ar y cynnig a gyflwynwyd yn enw Rhun ap Iorwerth. Agor y bleidlais. Cau'r bleidlais. O blaid wyth, un yn ymatal, 41 yn erbyn, felly gwrthodwyd y cynnig.

NDM6949 - Dadl Plaid Cymru - Cynnig heb ei ddiwygio: O blaid: 8, Yn erbyn: 41, Ymatal: 1

Gwrthodwyd y cynnig

Gwelliant 1. Os derbynnir gwelliant 1, caiff gwelliannau 2 a 3 eu dad-ddethol. Dwi'n galw am bleidlais ar welliant 1, a gyflwynwyd yn enw Gareth Bennett. Agor y bleidlais. Cau'r bleidlais. O blaid tri, neb yn ymatal, 48 yn erbyn. Gwrthodwyd gwelliant 1.

NDM6949 - Gwelliant 1: O blaid: 3, Yn erbyn: 48, Ymatal: 0

Gwrthodwyd y gwelliant

Os derbynnir gwelliant 2, caiff gwelliant 3 ei ddad-ddethol. Dwi'n galw am bleidlais ar welliant 2, a gyflwynwyd yn enw Darren Millar. Agor y bleidlais. Cau'r bleidlais. O blaid 11, tri yn ymatal, 37 yn erbyn. Felly, mae gwelliant 2 wedi'i wrthod. 

NDM6949 - Gwelliant 2: O blaid: 11, Yn erbyn: 37, Ymatal: 3

Gwrthodwyd y gwelliant

Pleidlais ar welliant 3, a gyflwynwyd yn enw Rebecca Evans. Agor y bleidlais. Cau'r bleidlais. O blaid 29, neb yn ymatal, 22 yn erbyn. Mae gwelliant 3 wedi'i dderbyn. 

NDM6949 - Gwelliant 3: O blaid: 29, Yn erbyn: 22, Ymatal: 0

Derbyniwyd y gwelliant

Pleidlais nawr ar y cynnig wedi'i ddiwygio. 

Cynnig NDM6949 fel y'i diwygiwyd:

Cynnig bod Cynulliad Cenedlaethol Cymru:

1. Yn nodi’r adroddiad gan Ganolfan Llywodraethiant Cymru: Dedfrydu a Dalfa yng Nghymru: Ffeil Ffeithiau.

2. Yn mynegi pryder am ganfyddiadau’r adroddiad mai yng Nghymru y mae’r raddfa garcharu uchaf yng ngorllewin Ewrop, a bod dedfrydau llymach yng Nghymru yn cael effaith anghymesur ar fenywod, pobl dduon a lleiafrifoedd ethnig a chymunedau difreintiedig.

3. Yn nodi gwaith ymchwil blaenorol gan Ganolfan Llywodraethiant Cymru sydd wedi datgelu problemau helaeth o ran diogelwch a lles yng ngharchardai Cymru, gan gynnwys graddau cynyddol o gamddefnyddio sylweddau, hunan-niweidio, trais a hunanladdiad.

4. Yn nodi bod nifer o droseddwyr ifanc o Gymru yn treulio amser eu dedfryd mewn carchardai yn Lloegr, a bod y carchar yn cael effaith negyddol sylweddol ar gyfleoedd bywyd pobl ifanc yn y dyfodol.

5. Yn croesawu gwaith y Comisiwn ar Gyfiawnder yng Nghymru ac yn edrych ymlaen at ei argymhellion ynglŷn â’r cyfrifoldeb am blismona a chyfiawnder yng Nghymru yn y dyfodol.

Yn galw am:

a) diystyru adeiladu rhagor o ‘uwch garchardai’ ar unrhyw safle yng Nghymru ac yn galw ar Lywodraeth Cymru i gyfleu’r gwrthwynebiad hwn i’r Weinyddiaeth Gyfiawnder;

b) ailuno'r gwasanaeth prawf yn gyfan gwbl a rhoi diwedd ar breifateiddio rhannol;

c) ffocws ar ddulliau cymunedol ar gyfer troseddau nad ydynt yn rhai treisgar a rhoi'r gorau i or-ddefnyddio dedfrydau carcharu byr;

d) rhoi diwedd ar ddedfrydau o garchar i bobl ifanc a menywod ac eithrio mewn amgylchiadau neilltuol; ac

e) yr hawl i garcharorion bleidleisio yn etholiadau Cymru.

Agor y bleidlais. Cau'r bleidlais. O blaid 36, un yn ymatal, 14 yn erbyn, felly derbyniwyd y cynnig wedi'i ddiwygio. 

NDM6949 - Cynnig wedi'i ddiwygio: O blaid: 36, Yn erbyn: 14, Ymatal: 1

Derbyniwyd y cynnig fel y'i diwygiwyd

Y bleidlais nesaf ar y ddadl ar y rhagolygon am gytundeb Brexit. Os derbynnir gwelliant 1, caiff gwelliant—. Na. Mae'r bleidlais gyntaf ar welliant 1. Agor y bleidlais. Gwelliant 1, a gyflwynwyd yn enw Gareth Bennett. Agor y bleidlais. Cau'r bleidlais. O blaid pedwar, neb yn ymatal, 47 yn erbyn, ac felly mae gwelliant 1 wedi ei wrthod. 

NNDM6958 - Gwelliant 1: O blaid: 4, Yn erbyn: 47, Ymatal: 0

Gwrthodwyd y gwelliant

Galwaf am bleidlais ar y cynnig. Agor y bleidlais. Cau'r bleidlais. O blaid 37, neb yn ymatal, 14 yn erbyn, ac felly derbyniwyd y cynnig. 

NNDM6958 - Cynnig heb ei ddiwygio: O blaid: 37, Yn erbyn: 14, Ymatal: 0

Derbyniwyd y cynnig

Diolch i'r Aelodau. Mae busnes dal i'w gwblhau.