Grŵp 12 yw pŵer awdurdod trwyddedu i ddwyn achos troseddol. Y prif a'r unig welliant yn y grŵp hwn yw gwelliant 22, a galwaf ar y Gweinidog i siarad.

Cynigiwyd gwelliant 22 (Julie James).

Diolch, Dirprwy Lywydd. Mae gwelliant 22 yn ymateb i argymhelliad y Pwyllgor Cymunedau, Cydraddoldeb a Llywodraeth Leol yn ei adroddiad yn dilyn Cyfnod 1. Mae'n perthyn i welliannau grŵp 9. Bydd yn caniatáu i awdurdod gorfodi, sy'n awdurdod trwyddedu dynodedig, gyflawni swyddogaethau cofrestru a thrwyddedu o dan rhan 1 o Ddeddf Tai (Cymru) 2014—Rhentu Doeth Cymru ar hyn o bryd—i ddwyn achos troseddol yn gysylltiedig â throsedd honedig sy'n codi o dan y Bil. Yn amlwg, nid yw hi ond yn briodol y dylai awdurdod gorfodi o'r fath allu dwyn achos troseddol yn gysylltiedig â'r drosedd. Gobeithiaf y bydd yr Aelodau yn cydnabod bod hyn yn gwneud newid angenrheidiol i'r Bil ac y byddant yn cefnogi'r gwelliant.

Diolch yn fawr iawn. Nid oes gennyf unrhyw siaradwyr, felly rwy'n cymryd nad oes angen ymateb i'r ddadl. Y cwestiwn yw bod gwelliant 22 yn cael ei dderbyn. A oes unrhyw Aelod yn gwrthwynebu? Felly, derbyniwyd gwelliant 22.

Derbyniwyd y gwelliant yn unol â Rheol Sefydlog 12.36.