Dyma ni'n cyrraedd y cyfnod pleidleisio. Mae'r bleidlais gyntaf y prynhawn yma ar y ddadl ar gynnig deddfwriaethol gan Mabon ap Gwynfor ar reoliadau rhent. Dwi'n galw am bleidlais ar y cynnig a gyflwynwyd yn enw Mabon ap Gwynfor. Agor y bleidlais. O blaid 14, yn ymatal 22, ac yn erbyn 14. Felly, yn unol â'r canllawiau, mi fyddaf i yn pleidleisio yn erbyn ar y bleidlais gyfartal yna, ac felly mae'r bleidlais yn ei chyfanrwydd yn erbyn.

Eitem 6. Dadl ar Gynnig Deddfwriaethol gan Aelod: Rheolaethau rhent, cyflwynwyd yn enw Mabon ap Gwynfor : O blaid: 14, Yn erbyn: 14, Ymatal: 22

Gan fod nifer y pleidleisiau yn gyfartal, defnyddiodd y Llywydd ei phleidlais fwrw yn unol â Rheol Sefydlog 6.20(ii).

Gwrthodwyd y cynnig

Yr eitem nesaf i bleidleisio arno yw dadl y Ceidwadwyr Cymreig ar wasanaethau canser. Dwi'n galw am bleidlais ar y cynnig a gyflwynwyd yn enw Darren Millar. Agor y bleidlais. O blaid 15, neb yn ymatal, 35 yn erbyn. Felly, mae'r cynnig wedi ei wrthod.

Eitem 7. Dadl y Ceidwadwyr Cymreig - Gwasanaethau Canser. Cynnig heb ei ddiwygio: O blaid: 15, Yn erbyn: 35, Ymatal: 0

Gwrthodwyd y cynnig

Gwelliant 1 fydd nesaf. Os derbynnir gwelliant 1 bydd gwelliant 2 yn cael ei ddad-ddethol. Dwi'n galw am bleidlais ar welliant 1 a gyflwynwyd yn enw Lesley Griffiths. Agor y bleidlais. O blaid 25, neb yn ymatal, 25 yn erbyn. Felly, dwi'n bwrw fy mhleidlais i hefyd yn erbyn, yn unol â'r canllawiau. Dwi'n cadarnhau, felly, ganlyniad y bleidlais yna: o blaid 25, neb yn ymatal, 26 yn erbyn. Ac felly, mae gwelliant 1 wedi ei wrthod.

Eitem 7. Dadl y Ceidwadwyr Cymreig. Gwelliant 1, cyflwynwyd yn enw Lesley Griffiths: O blaid: 25, Yn erbyn: 25, Ymatal: 0

Gan fod nifer y pleidleisiau yn gyfartal, defnyddiodd y Llywydd ei phleidlais fwrw yn unol â Rheol Sefydlog 6.20(ii).

Gwrthodwyd y gwelliant

Gwelliant 2 yw'r bleidlais nesaf, felly, yn enw Siân Gwenllian. Agor y bleidlais. Cau'r bleidlais. O blaid 25, neb yn ymatal, 25 yn erbyn. Ac felly, dwi'n bwrw fy mhleidlais fwrw yn erbyn gwelliant 2, ac felly canlyniad y bleidlais yn derfynol ar welliant 2 yw 25 o blaid, neb yn ymatal, 26 yn erbyn. Mae gwelliant 2 hefyd wedi ei wrthod, a gan fod y cynnig a'r ddau welliant heb eu derbyn, yna does dim byd yn cael ei dderbyn a'i gefnogi yn y bleidlais a'r ddadl yna.

Eitem 7. Dadl y Ceidwadwyr Cymreig. Gwelliant 2, cflwynwyd yn enw Siân Gwenllian: O blaid: 25, Yn erbyn: 25, Ymatal: 0

Gan fod nifer y pleidleisiau yn gyfartal, defnyddiodd y Llywydd ei phleidlais fwrw yn unol â Rheol Sefydlog 6.20(ii).

Gwrthodwyd y gwelliant

Gawn ni weld sut aiff y ddadl Plaid Cymru ar adnoddau Cymru. Dwi'n galw am bleidlais ar y cynnig a gyflwynwyd yn enw Siân Gwenllian. Agor y bleidlais. Cau'r bleidlais. O blaid 11, neb yn ymatal, 39 yn erbyn. Felly, mae'r cynnig yna wedi ei wrthod.

Eitem 8. dadl Plaid Cymru - Adnoddau Cymru. Cynnig heb ei ddiwygio: O blaid: 11, Yn erbyn: 39, Ymatal: 0

Gwrthodwyd y cynnig

Pleidlais ar welliant 1 nesaf, felly—gwelliant 1 yn enw Lesley Griffiths. Agor y bleidlais. Cau'r bleidlais. O blaid 25, neb yn ymatal, 25 yn erbyn. Ac felly dwi'n defnyddio fy mhleidlais fwrw yn erbyn gwelliant 1, ac felly canlyniad y bleidlais yn derfynol yw bod 25 o blaid, neb yn ymatal, 26 yn erbyn. Mae'r gwelliant wedi ei wrthod. Fe wrthodwyd y cynnig, ac felly fe wrthodwyd y cwbl. 

A dyna ni, dyna ddiwedd ar ein cyfnod pleidleisio, diolch byth, ac ie, dyna ddiwedd ar y cyfnod pleidleisio am y prynhawn yma.

Eitem 8. Dadl Plaid Cymru. Gwelliant 1, cyflwynwyd yn enw Lesley Griffiths: O blaid: 25, Yn erbyn: 25, Ymatal: 0

Gan fod nifer y pleidleisiau yn gyfartal, defnyddiodd y Cadeirydd ei phleidlais fwrw yn unol â Rheol Sefydlog 6.20(ii).

Gwrthodwyd y gwelliant