Grŵp 12 yw'r grŵp nesaf o welliannau, sydd yn ymwneud â swyddogaethau'r Cynulliad. Gwelliant 43 yw'r prif welliant a'r unig welliant, a dwi'n galw ar Suzy Davies i gynnig y gwelliant hwnnw. Suzy Davies. 

Cynigiwyd gwelliant 43 (Suzy Davies).

Diolch eto, Llywydd. 

Rydym eisoes wedi crybwyll—. Mae'n ddrwg gennyf, rwy'n cynnig gwelliant 43, y soniais amdano eisoes mewn dadleuon blaenorol. Nid oes angen imi ei ailadrodd eto, yn ôl pob golwg; mae'r Aelodau wedi dynodi eu cefnogaeth i hyn. Mae'n sefyllfa—. Dim ond cadarnhau mai'r Cynulliad ei hun sy'n gyfrifol am gyflawni swyddogaethau penodol, yn hytrach na phwyllgor yn uniongyrchol, a mater i'r Cynulliad drwy Reolau Sefydlog yw caniatáu i bwyllgorau gyflawni'r swyddogaethau hynny ar ein rhan. Ac rwy'n ddiolchgar am yr arwydd cynnar o gefnogaeth i'r gwelliant hwn. Diolch.

Y Gweinidog.

Rwy'n hapus iawn i gefnogi'r gwelliant.

Dwi innau'n hapus i gefnogi gwelliant 43. Fel dywedais i yn y grŵp blaenorol, mi fydd y gwelliant yn caniatau inni fel Cynulliad wneud darpariaeth yn y Rheolau Sefydlog er mwyn arfer swyddogaethau ynghylch adolygu'r Ddeddf, a hefyd ynghylch penodi'r ombwdsmon. Wrth gwrs, mae hyn yn debyg i’r ffordd y mae Deddf Archwilio Cyhoeddus (Cymru) yn gweithio o ran goruchwylio’r archwilydd cyffredinol a Swyddfa Archwilio Cymru.

Ydy Suzy Davies eisiau ymateb?

Dim ond i ddiolch i'r Aelodau unwaith eto.

Y cwestiwn yw: a ddylid derbyn gwelliant 43? A oes unrhyw wrthynebiad? Derbynnir gwelliant 43. 

Derbyniwyd y gwelliant yn unol â Rheol Sefydlog 12.36.

Gwelliant 21, Llyr Gruffydd. 

Cynigiwyd gwelliant 21 (Llyr Gruffydd).

Cynnig.

Y cwestiwn yw: a ddylid derbyn gwelliant 21? A oes unrhyw wrthynebiad? Derbynnir gwelliant 21, felly. 

Derbyniwyd y gwelliant yn unol â Rheol Sefydlog 12.36.