Felly, mae'r grŵp nesaf o welliannau yn ymwnued â chyd-bwyllgorau corfforedig a gofynion eraill. Gwelliant 19 yw'r prif welliant yn y grŵp, a dwi'n galw ar y Gweinidog i gyflwyno'r gwelliant a'r grŵp. Gweinidog.

Cynigiwyd gwelliant 19 (Julie James).

Diolch, Llywydd. Technegol yw gwelliant 19 ac mae'n mewnosod diffiniad o 'ddogfennau' at ddibenion Rhan 5 y Bil. Mae gwelliannau 31 a 32 yn gysylltiedig â'r gwelliant hwn ac yn mireinio'r ddarpariaeth bresennol i ddarparu, wrth wneud rheoliadau, y caiff Gweinidogion Cymru wneud darpariaeth sy'n ei gwneud yn ofynnol i brif gynghorau, cyd-bwyllgorau corfforedig ac yn y blaen ddarparu dogfennau yn ogystal â gwybodaeth.

Mae gwelliant 20 yn darparu mwy o eglurder ynghylch yr ystod o sefyllfaoedd lle y gellir defnyddio'r pwerau presennol yn adran 82 i wneud darpariaeth atodol. Mae gwelliant 21 yn ganlyniadol i'r gwelliant hwn ac mae'n dileu is-adran sydd wedi'i gwneud yn ddiangen.

Mae gwelliannau 22 i 30 yn darparu y gellir defnyddio pwerau presennol i wneud rheoliadau o dan y Rhan hon yn gysylltiedig â materion sy'n ymwneud â symud staff, eiddo, hawliau cysylltiedig ac yn y blaen hefyd os bydd swyddogaeth yn peidio â chael ei harfer gan gyd-bwyllgor corfforedig ac yn hytrach yn cael ei harfer gan berson arall.

Yn olaf, o ran gwelliannau'r Llywodraeth yn y grŵp hwn, mae gwelliant 76 yn dileu diwygiad canlyniadol i Ddeddf Ombwdsmon Gwasanaethau Cyhoeddus (Cymru) 2005, nad oes ei angen gan fod Deddf 2005, i bob pwrpas, wedi'i diddymu gan Ddeddf Ombwdsmon Gwasanaethau Cyhoeddus (Cymru) 2019.

Gan droi at welliannau 123 a 124, sy'n ymwneud â'r swyddogaeth llesiant economaidd, bydd y swyddogaeth llesiant economaidd yn galluogi'r cyd-bwyllgorau corfforedig hynny y mae'r swyddogaeth wedi ei chaniatáu iddynt, mewn rheoliadau, i wneud unrhyw beth sy'n debygol yn eu barn nhw o hybu neu wella llesiant economaidd yr ardal. Mae gan brif gynghorau gyfoeth o brofiad o gyflawni swyddogaethau economaidd, gan gynnwys ar lefel ranbarthol, drwy, er enghraifft, y cytundebau dinas a'r cytundebau twf. Yn rhan o'r uchelgais a rennir i symleiddio trefniadau rhanbarthol a chyfochri swyddogaethau strategol allweddol ar lefel ranbarthol, rwy'n gobeithio y bydd rhanbarthau yn trosglwyddo eu trefniadau rhanbarthol presennol i'r cyd-bwyllgorau corfforedig ar ôl eu sefydlu. Nid yw'n fwriad i gennyf i ddechrau gorchymyn sut y mae llywodraeth leol yn cyflawni ei swyddogaethau economaidd drwy gyd-bwyllgorau corfforedig na thrwy unrhyw drefniant arall. Os bydd angen, mae'n ofynnol i gyd-bwyllgorau corfforedig, o dan adran 85 y Bil, roi sylw i unrhyw ganllawiau a gyhoeddir gennym ni yn gysylltiedig â'u gweithrediadau gan gynnwys eu swyddogaethau. Yn ogystal â hyn, bydd Gweinidogion Cymru hefyd yn gallu gosod cyfyngiadau ar y modd o arfer y swyddogaeth llesiant economaidd drwy reoliadau. Ar y sail hon, nid oes angen gwelliannau 123 a 124 ac nid wyf i'n eu cefnogi.

Er fy mod i'n cydnabod y bwriad y tu ôl i welliannau 132 a 134, rwy'n gofyn i'r Aelodau eu gwrthod. Mae'r Bil yn nodi'r fframwaith ar gyfer sefydlu cyd-bwyllgorau corfforedig. Bydd manylion sut y byddan nhw yn gweithredu, gan gynnwys materion fel y rhai a gwmpesir gan y gwelliannau hyn, yn cael eu nodi mewn rheoliadau. Fel yr wyf i wedi ei nodi yn yr ymgynghoriad ar y rheoliadau sefydlu drafft, a ddechreuodd yn gynnar ym mis Hydref, fy mwriad yw sicrhau bod cyd-bwyllgorau corfforedig yn ddarostyngedig, pan fo'n bosibl, i'r un ddeddfwriaeth neu ddeddfwriaeth debyg ag a gymhwysir ar hyn o bryd i lywodraeth leol. Er enghraifft, drwy reoliadau, byddem yn ceisio cymhwyso Deddf Llesiant Cenedlaethau'r Dyfodol (Cymru) 2015 a'r dyletswyddau cyfranogiad y cyhoedd a gynhwysir yn Rhan 3 y Bil hwn. Bydd hyn yn darparu ar gyfer yr adroddiadau blynyddol a'r gofynion cyfranogiad y mae'r gwelliannau hyn yn eu ceisio.

Rwyf hefyd yn gwrthod gwelliannau 149 a 150 ar yr un sail. Bwriedir i gyd-bwyllgorau corfforedig fod yn ddarostyngedig i'r gyfundrefn perfformiad a llywodraethu a gynhwysir yn Rhan 6 y Bil, ynghyd â darpariaethau Deddf Archwilio Cyhoeddus (Cymru) 2004 a deddfwriaeth berthnasol arall sy'n ymwneud â llywodraethu ariannol. Bydd hyn yn rhoi'r sicrwydd a geisir gan y gwelliannau hyn ac yn sicrhau bod gan gyd-bwyllgorau corfforedig y trefniadau llywodraethu a rheoli ariannol priodol ar waith, fel y byddech yn ei ddisgwyl gan gorff cyhoeddus. Ar y sail hon, gofynnaf i'r Aelodau wrthod gwelliannau 123, 124, 132, 13, 149 a 150. Diolch, Llywydd.

Wel, mae gwelliannau 123 a 124 yn ceisio mewnosod dyletswydd ar Weinidogion Cymru i wneud a chyhoeddi canllawiau ar sut y dylai cyd-bwyllgor corfforedig gyflawni ei swyddogaeth llesiant economaidd. Mae'r gwelliannau hyn yn ceisio cryfhau'r trefniadau ar gyfer craffu ar gyd-bwyllgorau corfforedig er mwyn sicrhau atebolrwydd a thryloywder wrth iddyn nhw gyflawni eu swyddogaethau, yn ogystal â chynnwys pobl leol a sefydliadau lleol sydd wedi ei lleoli yn y gymuned yn y broses o wneud penderfyniadau. Yr agosaf y mae'r penderfyniadau hyn at bobl, y cymunedau a'r rhanbarthau, a'r pellaf o reolaeth ganolog, gorau oll fydd y canlyniad i'r bobl a'r cymunedau dan sylw.

Mae gwelliant 132 yn ei gwneud yn ofynnol i gyd-bwyllgorau corfforedig gyhoeddi adroddiad blynyddol sydd i'w osod gerbron Senedd Cymru a'r cynghorau cyfansoddol sy'n rhan o'r cyd-bwyllgor corfforedig. Mae'n rhaid i'r adroddiad amlinellu nifer o bethau, gan gynnwys yr hyn y mae'r pwyllgor wedi ei gyflawni ar gyfer y maes lle mae'n arfer ei swyddogaethau, cynllun tymor canolig a hirdymor y pwyllgor ar gyfer sut y mae'n bwriadu arfer ei swyddogaethau a threfniadau'r pwyllgor o ran rheoli ei faterion ariannol. Mae'r gwelliannau hyn yn ceisio cryfhau'r trefniadau ar gyfer craffu ar gyd-bwyllgorau corfforedig, sicrhau atebolrwydd a thryloywder a chynnwys pobl leol a sefydliadau sydd wedi eu lleoli yn y gymuned.

Mae gwelliant 134 yn ceisio sicrhau bod pobl leol a sefydliadau lleol sydd wedi eu lleoli yn y gymuned yn rhan o brosesau gwneud penderfyniadau cyd-bwyllgorau corfforedig. Yn ystod Cyfnod 1, cododd rhanddeiliaid bryderon am y diffyg darpariaethau ar gyfer ymwneud yn lleol â chyd-bwyllgorau corfforedig. Er enghraifft, rhannodd Cartrefi Cymunedol Cymru bryderon ynghylch y ddarpariaeth gyfyngedig ar gyfer trefniadau atebolrwydd cyd-bwyllgorau corfforedig, sydd:

yn groes i ymrwymiad y Bil i wella mynediad at y broses o wneud penderfyniadau yn lleol a chael cymryd rhan yn hynny.

Mae'r gwelliant hwn felly yn ymgorffori egwyddorion cysylltiad a chyfranogaeth o fewn y Bil. Mae dulliau cysylltu yn cynnwys gweithio gyda phobl yn gynharach, helpu i nodi materion ac atebion posibl a'u cynorthwyo i barhau i gymryd rhan drwy gydol prosesau dylunio, gweithredu a gwerthuso. Yn ystod Cyfnod 2, dywedodd y Gweinidog na fyddai hi'n derbyn y gwelliant hwn, gan, fel y dywedodd:

mai'r rheoliadau fydd yn manylu ar sut y dylai cyd-bwyllgor corfforedig weithredu.'

Dywedodd:

Rwy'n credu felly ei bod yn fwy priodol i'r materion a godwyd gan y gwelliant gael eu hystyried yn rhan o'r gwaith o baratoi rheoliadau corfforaethol y cydbwyllgor.

Fodd bynnag, fel y dywedais yn ystod trafodion Cyfnod 2:

Rydym ni yn clywed llawer o iaith gadarnhaol erbyn hyn gan aelodau o bob plaid am faterion fel cyd-gynhyrchu, grymuso cymunedau, ymgysylltu â dinasyddion, ond mewn gwirionedd, mae'n brin ar lawr gwlad.

Felly, mae'r gwelliant hwn yn ceisio sicrhau bod egwyddorion cyd-gynhyrchu yn cael eu hymgorffori'n llawn ar wyneb y Bil er mwyn ei gwneud yn ofynnol i gyd-bwyllgorau corfforaethol gyflawni cyfranogiad pobl leol a sefydliadau cymunedol lleol.

Mae gwelliannau 149 a 150 wedi eu drafftio i adlewyrchu pryderon Archwilydd Cyffredinol Cymru. Mae'r gwelliannau hyn yn ceisio sicrhau bod cyd-bwyllgorau corfforedig yn ddarostyngedig i ofynion Deddf Archwilio Cyhoeddus (Cymru) 2004, sy'n bwysig i hyder y cyhoedd yn y modd y defnyddir arian cyhoeddus. Mae Llywodraeth Cymru yn bwriadu gwneud darpariaeth o'r fath drwy reoliadau yn y dyfodol. Fodd bynnag, mae swyddfa'r archwilydd cyffredinol wedi datgan bod defnyddio'r dull hwnnw yn creu perygl o gymhlethdod a dryswch ac y byddai darparu ar gyfer y gofyniad hwn drwy'r Bil yn sicrhau bod darpariaethau archwilio llywodraeth leol yn cael eu cydgrynhoi mewn un lle i gynorthwyo dehongli a chynnal llyfr statud sydd wedi ei strwythuro'n dda. Unwaith eto, dyma'r cyrff y dylem ni fod yn cymryd arweiniad ganddyn nhw,ac nid cyflwyno arweiniad iddyn nhw, ar y materion penodol hyn. Diolch. Diolch.

Y Gweinidog i ymateb. Dim ymateb. Iawn. Fe symudwn ni'n syth at y bleidlais.

Gwelliant 19. A oes unrhyw wrthwynebiad i welliant 19? [Gwrthwynebiad.]

Ie, gallaf weld gwrthwynebiad gan Gareth Bennett.

Felly, agor y bleidlais ar welliant 19. Cau'r bleidlais. O blaid 42, chwech yn ymatal, dau yn erbyn, ac felly mae'r gwelliant wedi'i gymeradwyo.

Gwelliant 19: O blaid: 42, Yn erbyn: 2, Ymatal: 6

Derbyniwyd y gwelliant

Gwelliant 120, yn enw Mark Isherwood. 

Cynigiwyd gwelliant 120 (Mark Isherwood).

Mae'n cael ei gyflwyno. Oes unrhyw Aelod yn gwrthwynebu? [Gwrthwynebiad.] Oes. Felly, agor y bleidlais ar welliant 120. Cau'r bleidlais. O blaid 18, chwech yn ymatal, 26 yn erbyn, ac felly mae'r gwelliant wedi cael ei wrthod. 

Gwelliant 120: O blaid: 18, Yn erbyn: 26, Ymatal: 6

Gwrthodwyd y gwelliant

Gwelliant 121, yn enw Mark Isherwood.

Cynigiwyd gwelliant 121 (Mark Isherwood).

Mae'n cael ei gyflwyno. Oes gwrthwynebiad? [Gwrthwynebiad.] Oes, felly agor y bleidlais ar welliant 121. Cau'r bleidlais. O blaid 21, tri yn ymatal, 26 yn erbyn, ac felly mae'r gwelliant wedi cael ei wrthod. 

Gwelliant 121: O blaid: 21, Yn erbyn: 26, Ymatal: 3

Gwrthodwyd y gwelliant

Gwelliant 122, yn enw Mark Isherwood.

Cynigiwyd gwelliant 122 (Mark Isherwood).

Mae'n cael ei gyflwyno. Oes gwrthwynebiad? [Gwrthwynebiad.] Oes, felly agor y bleidlais ar welliant 122. Cau'r bleidlais. O blaid 21, tri yn ymatal, 26 yn erbyn. Felly, mae'r gwelliant wedi ei wrthod. 

Gwelliant 122: O blaid: 21, Yn erbyn: 26, Ymatal: 3

Gwrthodwyd y gwelliant

Gwelliant 123, yn enw Mark Isherwood. 

Cynigiwyd gwelliant 123 (Mark Isherwood).

Mae'n cael ei gynnig. [Gwrthwynebiad.] Mae yna wrthwynebiad, ac felly, agor y bleidlais. Gwelliant 123. Cau'r bleidlais. O blaid 18, tri yn ymatal, 30 yn erbyn. Felly, mae gwelliant 123 wedi ei wrthod. 

Gwelliant 123: O blaid: 18, Yn erbyn: 30, Ymatal: 3

Gwrthodwyd y gwelliant

Gwelliant 124, yn enw Mark Isherwood.

Cynigiwyd gwelliant 124 (Mark Isherwood).

Mae'n cael ei gyflwyno. Oes yna wrthwynebiad? [Gwrthwynebiad.] Oes, ac felly agor y bleidlais ar welliant 124. Cau'r bleidlais. O blaid 18, tri yn ymatal, 30 yn erbyn. Mae'r gwelliant wedi'i wrthod. 

Gwelliant 124: O blaid: 18, Yn erbyn: 30, Ymatal: 3

Gwrthodwyd y gwelliant

Gwelliant 165 yw'r gwelliant nesaf, yn enw Delyth Jewell. 

Cynigiwyd gwelliant 165 (Delyth Jewell).

Mae wedi'i gyflwyno. [Gwrthwynebiad.] Mae'n cael ei wrthwynebu. Felly, pleidlais ar welliant 165. Agor y bleidlais. Cau'r bleidlais. O blaid 10, 11 yn ymatal, 30 yn erbyn. Mae'r gwelliant wedi ei wrthod. 

Gwelliant 165: O blaid: 10, Yn erbyn: 30, Ymatal: 11

Gwrthodwyd y gwelliant

Gwelliant 166 yn enw Delyth Jewell. 

Cynigiwyd gwelliant 166 (Delyth Jewell).

Symud. 

Oes gwrthwynebiad? [Gwrthwynebiad.] Oes. Pleidlais ar welliant 166. Agor y bleidlais. Cau'r bleidlais. O blaid naw, 12 yn ymatal, 30 yn erbyn. Gwelliant 166 wedi ei wrthod. 

Gwelliant 166: O blaid: 9, Yn erbyn: 30, Ymatal: 12

Gwrthodwyd y gwelliant

Gwelliant 125—

Cynigiwyd gwelliant 125 (Mark Isherwood).

Rwy'n cynnig.

—yn cael ei symud, yn enw Mark Isherwood. Oes gwrthwynebiad i 125? [Gwrthwynebiad.] Oes. Agor y bleidlais ar welliant 125. Cau'r bleidlais. O blaid 18, chwech yn ymatal, 27 yn erbyn. Felly, mae'r gwelliant wedi ei wrthod. 

Gwelliant 125: O blaid: 18, Yn erbyn: 27, Ymatal: 6

Gwrthodwyd y gwelliant

Mark Isherwood, gwelliant 126—

Cynigiwyd gwelliant 126 (Mark Isherwood).

Cynigiwyd.

—yn cael ei gyflwyno. [Gwrthwynebiad.] Ac yn cael ei wrthod. Ac felly, os derbynnir gwelliant 126, bydd gwelliant 167 yn methu. Pleidlais, felly, ar welliant 126. Agor y bleidlais. Cau'r bleidlais. O blaid 12, tri yn ymatal, 36 yn erbyn. Mae'r gwelliant wedi methu. 

Gwelliant 126: O blaid: 12, Yn erbyn: 36, Ymatal: 3

Gwrthodwyd y gwelliant

Gwelliant 167, Delyth Jewell. 

Cynigiwyd gwelliant 167 (Delyth Jewell).

Symud.

Yn cael ei gyflwyno. [Gwrthwynebiad.] Yn cael ei wrthwynebu. Felly, agor y bleidlais ar welliant 167. Cau'r bleidlais. O blaid 17, chwech yn ymatal, 28 yn erbyn. Felly, mae gwelliant 167 wedi ei wrthod. 

Gwelliant 167: O blaid: 17, Yn erbyn: 28, Ymatal: 6

Gwrthodwyd y gwelliant

Gwelliant 127, yn enw Mark Isherwood— 

Cynigiwyd gwelliant 127 (Mark Isherwood).

—yn cael ei gyflwyno. [Gwrthwynebiad.] Yn cael ei wrthwynebu. Ac felly agor y bleidlais ar welliant 127. Cau'r bleidlais. O blaid 18, pump yn ymatal, 28 yn erbyn. Ac felly mae'r gwelliant wedi ei wrthod. 

Gwelliant 127: O blaid: 18, Yn erbyn: 28, Ymatal: 5

Gwrthodwyd y gwelliant

Gwelliant 128, yn enw Mark Isherwood. 

Cynigiwyd gwelliant 128 (Mark Isherwood).

Mae wedi cael ei gyflwyno. [Gwrthwynebiad.] Mae'n cael ei wrthwynebu. Felly, agor y bleidlais ar welliant 128. Cau'r bleidlais. O blaid 18, chwech yn ymatal, 27 yn erbyn. Felly, mae gwelliant 128 wedi ei wrthod. 

Gwelliant 128: O blaid: 18, Yn erbyn: 27, Ymatal: 6

Gwrthodwyd y gwelliant

Gwelliant 129, yn enw Mark Isherwood. 

Cynigiwyd gwelliant 129 (Mark Isherwood).

Mae'n cael ei gyflwyno. [Gwrthwynebiad.] Ac yn cael ei wrthwynebu. Ac felly agor y bleidlais ar welliant 129. Cau'r bleidlais. O blaid 18, chwech yn ymatal, 27 yn erbyn. Ac felly mae gwelliant 129 wedi ei wrthod. 

Gwelliant 129: O blaid: 18, Yn erbyn: 27, Ymatal: 6

Gwrthodwyd y gwelliant

Gwelliant 130, yn enw Mark Isherwood—

Cynigiwyd gwelliant 130 (Mark Isherwood).

—yn cael ei gyflwyno. Oes gwrthwynebiad? [Gwrthwynebiad.] Oes. Felly, agor y bleidlais ar welliant 130. Cau'r bleidlais. O blaid 18, chwech yn ymatal, 27 yn erbyn. Felly, mae gwelliant 130 wedi ei wrthod. 

Gwelliant 130: O blaid: 18, Yn erbyn: 27, Ymatal: 6

Gwrthodwyd y gwelliant

Gwelliant 20, yn enw Julie James—

Cynigiwyd gwelliant 20 (Julie James).

Cynnig.

—yn cael ei gyflwyno. Oes unrhyw wrthwynebiad i welliant 20? [Gwrthwynebiad.] Oes. Gareth Bennett yn gwrthwynebu. Felly, agor y bleidlais ar welliant 20. Cau'r bleidlais. O blaid 44, saith yn ymatal, neb yn erbyn. Ac felly mae'r gwelliant wedi ei gymeradwyo. 

Gwelliant 20: O blaid: 44, Yn erbyn: 0, Ymatal: 7

Derbyniwyd y gwelliant

Gwelliant 21 yn enw'r Gweinidog. 

Cynigiwyd gwelliant 21 (Julie James).

Cynigiwyd.

Oes gwrthwynebiad i welliant 21? [Gwrthwynebiad.] Oes. Felly, agor y bleidlais ar welliant 21. Cau'r bleidlais. O blaid 44, saith yn ymatal, neb yn erbyn. Mae gwelliant 21 wedi ei gymeradwyo. 

Gwelliant 21: O blaid: 44, Yn erbyn: 0, Ymatal: 7

Derbyniwyd y gwelliant

Gwelliant 22 yn enw'r Gweinidog. 

Cynigiwyd gwelliant 22 (Julie James).

Cynigiwyd.

Oes gwrthwynebiad i welliant 22? [Gwrthwynebiad.] Oes. Felly, agor y bleidlais ar welliant 22. Cau'r bleidlais. O blaid 44, saith yn ymatal, neb yn erbyn. Gwelliant 22 wedi ei gymeradwyo. 

Gwelliant 22: O blaid: 44, Yn erbyn: 0, Ymatal: 7

Derbyniwyd y gwelliant

Gwelliant 23 yn enw'r Gweinidog.

Cynigiwyd gwelliant 23 (Julie James).

Cynigiwyd.

Wedi cael ei gyflwyno. Oes gwrthwynebiad? [Gwrthwynebiad.] Oes. Felly, agor y bleidlais ar welliant 23. Cau'r bleidlais. O blaid 36, 15 yn ymatal, neb yn erbyn. Felly, mae gwelliant 23 wedi ei gymeradwyo. 

Gwelliant 23: O blaid: 36, Yn erbyn: 0, Ymatal: 15

Derbyniwyd y gwelliant

Gwelliant 24 yn enw'r Gweinidog. 

Cynigiwyd gwelliant 24 (Julie James).

Cynigiwyd.

Oes gwrthwynebiad i welliant 24? [Gwrthwynebiad.] Oes. Ac felly agor y bleidlais ar welliant 24. Cau'r bleidlais. Cau'r bleidlais. O blaid 44, saith yn ymatal, neb yn erbyn. Gwelliant 24 wedi ei gymeradwyo. 

Gwelliant 24: O blaid: 44, Yn erbyn: 0, Ymatal: 7

Derbyniwyd y gwelliant

Gwelliant 25 yn enw'r Gweinidog. 

Cynigiwyd gwelliant 25 (Julie James).

Cynigiwyd.

Oes gwrthwynebiad i welliant 25? [Gwrthwynebiad.] Oes. Agor y bleidlais ar welliant 25. Cau'r bleidlais. O blaid 36, 15 yn ymatal, neb yn erbyn. Felly, mae'r gwelliant wedi ei gymeradwyo. 

Gwelliant 25: O blaid: 36, Yn erbyn: 0, Ymatal: 15

Derbyniwyd y gwelliant