Y grŵp nesaf felly yw grŵp 17. Ac mae'r grŵp yma o welliannau yn ymwneud â dysgu oedolion yn y gymuned. Gwelliant 112 yw'r prif welliant. Galwaf ar Laura Jones i gyflwyno'r gwelliant yma.  

Cynigiwyd gwelliant 112 (Laura Anne Jones).

Diolch, Llywydd. Rwyf eisiau siarad am yr holl welliannau yn y grŵp hwn. Mae gwelliant 112 yn bodoli i sicrhau bod dysgu oedolion yn y gymuned yn cael ei gynnwys yn y diffiniad o addysg drydyddol ac i wneud i'r diffiniad o ddysgu oedolion yn y gymuned weithredu'n briodol yn y Bil. Yn ychwanegol at hyn, mae gwelliannau 115 a 117 yn gysylltiedig â gwelliannau 112 a 113, a byddan nhw'n sicrhau bod dysgu oedolion yn y gymuned yn cael ei gynnwys yn niffiniad y Bil o'r term.

Mae dysgu oedolion yn y gymuned yn hanfodol os ydym ni am sicrhau, pan fydd cyfle'n codi i greu swyddi sgiliau uwch yng Nghymru, ein bod yn gallu manteisio arnyn nhw. Mae angen i ni sicrhau nad yw dyhead a chyfleoedd ar gael i'n pobl ifanc yn unig, er bod y Gweinidog yn gwybod bod hwn yn faes lle mae angen iddo wneud gwaith helaeth. Mae rhieni sy'n gweithio eisiau gallu cymryd y cam nesaf ar ysgol eu gyrfa ac eisiau gwella eu cymwysterau neu ddysgu sgil newydd. Mewn llawer o achosion, hwn fyddai eu cymhwyster ffurfiol cyntaf.

Er nad yw'r Gweinidog yn debygol o dderbyn y gwelliannau hyn heddiw, byddwn i'n ei annog ef a'i adran i edrych ar ddysgu oedolion yn y gymuned fel ei fod yn diwallu anghenion cymunedau'n llawn ac y gall y rhai sydd yn dymuno cyflawni, wneud hynny.

Bydd gwelliant 113, ar y llaw arall, yn golygu bod 'lefel mynediad' wedi'i diffinio'n glir yn y Bil, sy'n welliant angenrheidiol, yn fy marn i, er eglurder o fewn y ddeddfwriaeth, a gofynnaf i'r Aelodau ystyried hyn. Diolch.

Hoffwn ailadrodd y pwysigrwydd a roddaf ar ddysgu oedolion, ar ddysgu gydol oes, a sicrhau bod Cymru'n genedl o ail gyfle lle nad yw hi byth yn rhy hwyr i ddysgu, ac mae'r darpariaethau yn y Bil hwn, sydd eisoes yn cynnwys dysgu oedolion yn y gymuned, yn hanfodol i gyflawni hyn. Felly, er fy mod yn deall y bwriad y tu ôl i'r gwelliannau yn y grŵp hwn, ni allaf eu cefnogi gan nad ydyn nhw'n angenrheidiol, ac nid ydyn nhw yn ychwanegu dim at y Bil na'r ffordd y mae'n gweithredu.

Mae gwelliant 117 yn ychwanegu 'dysgu oedolion yn y gymuned' at y diffiniad o addysg drydyddol. Mae hyn yn ddiangen gan ei fod eisoes wedi'i gynnwys fel rhan o'r diffiniad hwnnw fel y'i darllenir gydag adrannau 141(2), (4) a (5).

Mae gwelliannau 112, 113 a 115, yr wyf i hefyd yn eu gwrthod, yn ymwneud â'r diffiniad o ddysgu oedolion yn y gymuned. Fel y dywedais i, nid oes angen hyn gan fod dysgu oedolion yn y gymuned eisoes wedi'i gynnwys yn y diffiniadau presennol.

Gan weithio gyda'n grŵp cyfeirio allanol ar gyfer dysgu oedolion, rydym eisoes yn profi ac yn dylunio dulliau cyffrous o wireddu'r genedl ail gyfle honno. Mae hyn yn cynnwys rhaglen o gydlynu a chamau gweithredu cenedlaethol, sydd eisoes yn gweithio i wireddu ein hymrwymiad i ddysgu gydol oes fel y'i mynegir yn y dyletswyddau strategol ac mewn mannau eraill yn y Bil. Mae'r diffiniad o ddysgu oedolion yn y gymuned hefyd yn dibynnu ar y diffiniad o 'lefel 2' yn adran 93 o'r Bil, sydd wedi'i ddileu ar ôl i fy ngwelliannau 39, 40 a 41 gael eu cytuno yng ngrŵp 12.

Nid yw'r Bil yn cynnwys darpariaeth benodol mewn cysylltiad â dysgu oedolion yn y gymuned o gofio ei fod eisoes wedi'i gwmpasu gan y diffiniad o addysg drydyddol yn y Bil. Byddai dyletswydd y comisiwn i sicrhau y darperir cyfleusterau rhesymol ar gyfer addysg a hyfforddiant i bobl dros 19 oed, yn unol ag adran 94, yn cwmpasu darparu dysgu oedolion yn y gymuned. Hefyd, gallai'r addysg bellach a'r hyfforddiant a gwmpesir gan ddyletswydd y comisiwn yn adran 93 i ddarparu cyfleusterau priodol, yn amodol ar wneud rheoliadau o dan adran 93(3), hefyd gynnwys dysgu oedolion yn y gymuned.

Fel y dywedais i wrth drafod y gwelliannau arfaethedig sy'n diffinio prentisiaethau gradd mewn grŵp cynharach, mae diffinio dysgu oedolion yn y gymuned ar wahân i addysg bellach a hyfforddiant yn peryglu amwysedd ynghylch a yw dysgu oedolion yn y gymuned o fewn cwmpas y cyfeiriadau niferus at addysg bellach a hyfforddiant mewn mannau eraill yn y Bil, ac felly galwaf ar Aelodau i wrthod yr holl welliannau yn y grŵp hwn.

Laura Jones i ymateb.

Diolch, Llywydd. Gweinidog, diolch i chi am roi mwy o eglurder ac am yr hyn yr ydych chi wedi'i ychwanegu eisoes, ond nid yw eglurder pellach o fewn Bil byth yn beth drwg. Yr unig ddiben y gallaf ddychmygu ar gyfer ei wrthod yw cadw amwysedd bwriadol o fewn elfennau o'r Bil, sydd, yn yr achos hwn, yn arwain at hepgor dysgu oedolion yn y gymuned lle credaf yn wirioneddol y dylai fod yn bresennol, a gofynnaf i'r Aelodau ystyried hyn. Diolch.

Y cwestiwn yw: a ddylid derbyn gwelliant 112? A oes gwrthwynebiad? [Gwrthwynebiad.] Oes, mae yna wrthwynebiad. Felly, pleidlais ar welliant 112. Agor y bleidlais hynny. 

Gwelliant 112.

Cau'r bleidlais. O blaid 15, neb yn ymatal, 38 yn erbyn. Mae gwelliant 112 wedi ei wrthod.

Gwelliant 112: O blaid: 15, Yn erbyn: 38, Ymatal: 0

Gwrthodwyd y gwelliant

Gwelliant 114, Laura Jones. Symud?

Cynigiwyd gwelliant 114 (Laura Anne Jones). 

Symud.

Ydy, mae'n cael ei symud. Felly, oes gwrthwynebiad? [Gwrthwynebiad.] Oes. Felly, mi wnawn ni gymryd pleidlais ar welliant 114.

Agor y bleidlais ar welliant 114.

Cau'r bleidlais. O blaid 15, neb yn ymatal, 38 yn erbyn. Ac felly mae'r gwelliant wedi ei wrthod.

Gwelliant 114: O blaid: 15, Yn erbyn: 38, Ymatal: 0

Gwrthodwyd y gwelliant

Laura Jones, gwelliant 113. Symud?

Cynigiwyd gwelliant 113 (Laura Anne Jones).

Symud.

Mae'n cael ei symud. Felly, oes yna wrthwynebiad? [Gwrthwynebiad.] Oes, mae yna wrthwynebiad. Fe gawn ni bleidlais ar welliant 113. 

Gwelliant 113.

Cau'r bleidlais. O blaid 15, neb yn ymatal, 38 yn erbyn, felly mae gwelliant 113 wedi'i wrthod.

Gwelliant 113: O blaid: 15, Yn erbyn: 38, Ymatal: 0

Gwrthodwyd y gwelliant

Gweinidog, gwelliant 67—ydych chi'n symud hwnnw?

Cynigiwyd gwelliant 67 (Jeremy Miles).

Ydw.

Felly, gwelliant 67—oes gwrthwynebiad? Nac oes. Felly, mae gwelliant  67 yn cael ei dderbyn.

Derbyniwyd y gwelliant yn unol â Rheol Sefydlog 12.36.

Laura Jones, gwelliant 115—symud?

Cynigiwyd gwelliant 115 (Laura Anne Jones).

Symud. 

Mae'n cael ei symud. Oes gwrthwynebiad? [Gwrthwynebiad.] Oes, felly fe gawn ni bleidlais ar welliant 115. 

Agor y bleidlais, gwelliant 115.

Cau'r bleidlais. O blaid 15, neb yn ymatal, 38 yn erbyn, ac felly mae gwelliant 115 wedi'i wrthod. 

Gwelliant 115: O blaid: 15, Yn erbyn: 38, Ymatal: 0

Gwrthodwyd y gwelliant

Gwelliant 116, Laura Jones—symud?

Cynigiwyd gwelliant 116 (Laura Anne Jones).

Symud. 

Mae'n cael ei symud. Oes gwrthwynebiad? [Gwrthwynebiad.] Oes, felly pleidlais ar welliant 116. Agor y bleidlais. 

Gwelliant 116.

Cau'r bleidlais. O blaid 15, neb yn ymatal, 38 yn erbyn. Mae gwelliant 116 wedi'i wrthod.

Gwelliant 116: O blaid: 15, Yn erbyn: 38, Ymatal: 0

Gwrthodwyd y gwelliant

Gwelliant 117, Laura Jones—symud?

Cynigiwyd gwelliant 117 (Laura Anne Jones).

Symud.

Oes gwrthwynebiad i welliant 117? [Gwrthwynebiad.] Felly, fe gawn ni bleidlais ar welliant 117. Agor y bleidlais. 

Gwelliant 117.

Cau'r bleidlais. O blaid 15, neb yn ymatal, 38 yn erbyn, felly mae gwelliant 117 wedi'i wrthod.

Gwelliant 117: O blaid: 15, Yn erbyn: 38, Ymatal: 0

Gwrthodwyd y gwelliant

Gweinidog, gwelliant 68—ydy e'n cael ei symud?

Cynigiwyd gwelliant 68 (Jeremy Miles).

Ydy.

Y cwestiwn yw: a ddylid derbyn gwelliant 68? Does dim gwrthwynebiad, felly derbynnir gwelliant 68. 

Derbyniwyd y gwelliant yn unol â Rheol Sefydlog 12.36.

Gwelliant 69, Gweinidog—ydy e'n cael ei symud?

Cynigiwyd gwelliant 69 (Jeremy Miles).

Ydy.

Oes gwrthwynebiad i welliant 69? Nac oes, felly derbynnir gwelliant 69.

Derbyniwyd y gwelliant yn unol â Rheol Sefydlog 12.36.

Gwelliant 118, Laura Jones—symud?

Cynigiwyd gwelliant 118 (Laura Anne Jones).

Symud. 

Y cwestiwn yw: a oes gwrthwynebiad i welliant 118? [Gwrthwynebiad.] Oes, felly, pleidlais ar welliant 118. Agor y bleidlais. 

Gwelliant 118.

Cau'r bleidlais. O blaid 15, neb yn ymatal, 38 yn erbyn. Felly, mae gwelliant 118 wedi'i wrthod.

Gwelliant 118: O blaid: 15, Yn erbyn: 38, Ymatal: 0

Gwrthodwyd y gwelliant